About Us

2022年4月，有一個香港人過咗過嚟澳洲。

​

由以前喺香港有印尼姐姐照顧，到依家要親自成日去超級市場買嘢返嚟照顧屋企嗰兩件化骨龍，先至發現澳洲買到嘅產品比起香港平好多。

​

同香港嘅朋友傾開計，佢哋就話不如搞個代購，幫下香港人！

​

我一聽到，義不容辭，於是就成日去超級市場同埋百貨公司，一見到佢哋半價就即刻話俾朋友聽，香港嘅朋友就幫手check吓香港唔同網站買返嚟嘅價錢，邊個貴啲。如果我計埋運費返嚟係平嘅話，就叫我即刻擺上網。

​

呢個就係呢個代購網站嘅故事。我哋會努力搜羅香港搵唔到嘅產品，或者比起其他出邊地方買到更加平嘅產品，希望大家多多支持！